Calinog, Iloilo – Padayon pa ang ginpatigayon nga hot pursuit operation sang Calinog Municipal Police Station sa pagpangita sang riding-in-tandem suspects nga nagluthang-patay sa isa ka lalaki sa Barangay Poblacion, Calinog, Iloilo sa mismo adlaw sang Paskwa.
Ang biktima amo si George Bernabe, residente sang Brgy. Bario, Calinog, Iloilo.
Patal nga igo sang bala sa ulo ang ginkamatay sang biktima.
Ginapahayag nga nagasuksok sang jacket ang duha ka mga suspek samtang ang biktima naman nagasakay sa iya motorsiklo sang gintiro ini.
Sa interview sang Bombo Radyo kay Police Major Dadje Delima, chief of police sang Calinog Municipal Police Station, iya ginpahayag nga nagatrabaho si Bernabe bilang manugbaligya sang kawayan kag ukay-ukay.
Samtang, indi pa mahimo nga mapalayag sang kapulisan ang motibo sang krimen.
