ILOILO CITY – Indi pa matumod kun ano ang motibo sang security guard sa pagtiro sa iya lead security officer sa call center Tower sa Barangay Bolilao, Mandurriao, Iloilo City.
Ang biktima amo si Harold Gador Ticot , 35, kasado, residente sang Oton, Iloilo kag ang-angkon sang pilas sa tiyan.
Ang suspek naman amo si Lloyd Gole Katipunan, ginabanta 36, kasado, residente sang Brgy. Gua-an, Leganes, Iloilo.
Sa interview sang Bombo Radyo kay Fernando Solitario, operations manager sang First Delta Group Security Agency, iya ginpahayag nga wala sang record ang management nga may gin-awayan ang duha.
Dugang pa niya, indi pa ma-istorya ang biktima bangud padayon pa nga ginabulong sa ospital.
Pahayag dugang sang natungdan, indi pa ma-angut sa suspension sang suspek ang krimen.
Sang damlag lang, gin-suspend ang suspek bangud sa pagbiya sini sa pwesto.
Nahibaluan nga sa sulod mismo sang security office sang call center natabo ang insidente.
Padayon pa nga at-large ang suspek.
