Jaro, Iloilo City – Na-recover na sang Jaro Police Station sa banwa sang Batad, Iloilo ang motorsiklo nga ginkawat sang nagligad nga semana.
Matandaan nga naka-park ang amo nga motorsiklo sa gwa sang peryahan sa Jaro sang ginkuha sang wala makilal-an nga lalaki kag ginpapalagyo.
Sa interview sang Bombo Radyo kay Police Captain Eduardo Siacon,hepe sang Jaro Police Station, iya ginpahayag nga mismo ang pamilya sang suspek nga nagkawat sa motorsiklo ang nag-coordinate sa ila.
Suno kay Siacon, positibo nga ginkumpirma sang ila talatapan ang motor nga ginbaligya sang kawatan.
Tuman naman ang pagpasalamat sang biktima nga nabalik ang iya motorsiklo apisar, nakakas na sang suspetsado ang battery kag speaker sini matapos nga ginprenda ang amo nga motorsiklo.
Wala naman madakpan ang suspetsado bangud wala na ini nagpakita humalin sang ginprenda ang motorsiklo nga iya ginkawat.
