ILOILO – Isa ang patay kag duha ang pilason matapos nagbungguanay ang isa ka motorsiklo kag isa ka Navara pick-up sa Barangay Polot-an, Pototan kagab-i.
Ang biktima amo si Lifedin Parian, 25 anyos, nagamaneho sang motorsiklo kag residente sang Brgy. Tumay, Mina.
Nakaangkon man sang menor nga mga pilas ang 30 anyos kag 18 anyos nga backriders ukon angkas sang amo nga motorsiklo.
Sa interview sang Bombo Radyo kay Police Staff Sergeant Raffy Gonzales, imbestigador sang Pototan Municipal Police Station, iya ginpahayag nga wala gilayon nakit-an sang driver sang pick-up nga si Richard Causing, 39-anyos sang Brgy. Pinay Espinosa, Ajuy, Iloilo ang motorsiklo.
Suno sa natungdan, naagaw sang motorsiklo ang lane nga para kuntani sa pick-up sang gulpi lang ini nga nagliko.
Yara pa subong si Causing sa Pototan Municipal Police Station.
