ILOILO CITY – Madamo sa aton ang nainit nga magtulok sa mga drivers nga naga-exhibition sa tunga sang dalan.
Sa Davao City, gin-aresto sang City Transport and Traffic Management Office ang isa ka 20 anyos nga lalaki matapos nag-exhibition sa Davao City Coastal Road.
Sa video nga ginpadala sa Davao Idiot Drivers, makita ang isa ka lalakip nga nagahapa sa iya ginamaneho nga motorsiklo apisar nga madam ini sang kadungan nga salakyan.
Bangud sa video, nakuha ang plate number kag na-trace sang City Transport and Traffic Management Office ang lalaki kag gin-aresto.
Sang ulihi, natukiban nga wala sang lisensya ang driver kag gin-ako nga ginhulam lamang niya ang motorsiklo nga expired na man ang lisyensya.
Makita nga indi man insakto ang pagsuksok sini sang helmet.
Sa kustodiya na subong sang Ecoland Police Station ang rider samtang naka-impound naman ang ginhulam niya nga motorsiklo.
Nagpaandam naman ang mga otoridad sa mga motorista nga magdoble halong sa pagmaneho agud nga malalikaw sa disgrasya.
Magluwas sa pag-violate sa traffic rules, ang rider ang natalana man nga pasakaan sang kaso nga alarm and scandal.
