ILOILO – Naglab-ot sa 10 sa 24 tanan ka mga kaso sang Motorcycle Riding Suspects ang nasolbar sang Iloilo Provincial Police Office (IPPO) subong nga tuig.
Sa interview sang Bombo Radyo kay IPPO Director Police Colonel Gilbert Gorero, iya ginpahayag nga sa pinakaulihi nga data, out of 24 cases, 12 diri ang murder, 6 ang physical injury, kag 5 ang robbery.
Suno kay Gorero, sa kaso nga murder apat ang nasolbar, sa physical injury duha, sa robbery tatlo, kag sa theft isa ang
lunsay nga nasolbar sa diin napasakaan na sang kaso kag nadakop ang mga suspek.
Pahayag ni Gorero nga sa 24 ka mga kaso, pito pa diri ang wala pa masolbar.
Kakulang suno sa natungdan sang mga witness kag ebidensya sa mga imbestigasyon ang rason sang mahinay nga pagsolbar sang iban nga mga kaso.
Nagpasalig man si Gorero nga ginahimo nila ang tanan agud masolbar ang mga nasambit nga kadungan sang paghingyo sa publiko nga mag-ugyon kun may nahibaluan ukon kilala nga mga motorcyle riding suspects.
