Wasak ang isa ka motorsiklo matapos nga nag-overtake sa tricycle kag isa pa ka motorsiklo sa Brgy. Baguingin, Tigbauan, Iloilo.
Ang nagamaneho sang motorsiklo amo si Leo Marie Talha Llorente, 26-anyos, residente sang Brgy. La-ag, Tubungan, Iloilo.
Sa interview sang Bombo Radyo kay Police Captain Alfred Mansoy, Officer in Charge sa Tigbuan Municipal Police Station, iya ginpahayag nga padulong kontani sa Iloilo City ang motorsiklo sang nag-overtake ini sa unahan sini nga mga salakyan.
Suno kay Mansoy, gilayon ini nga nakabunggo sa isa ka private utility vehicle (PUV), kon sa diin, nagtuga man sa pagkaguba sang bumper sang PUV.
Nagtabog naman ang driver sang motorsiklo bangud sa tuman ka baskog sang impact, kon sa diin, nawas-ag gid ang motorsiklo sini.
Inid magnubob sa tatlo ka mga salakyan ang mga naulamid lakip ang Mitsubishi Xpander nga ginamaneho ni Erwin Gicos Tabanda; Toyota Avanza Wagon nga ginamaneho ni Felix Elanga Colastre; kag RUSI Macho 175 nga motor nga ginamaneho ni Edwardson Vega Dividina.
Nag-agum naman sang pilas ang biktima sa nagkalain-lain nga parte sang iya lawas kag sa subong nagapabilin nga ginabulong sa ospital.
