ILOILO CITY – Ginakonsiderar ni Governor Arthur Defensor Sr. ang pag-quarry sa mga kabukiran sa probinsiya sang Iloilo.
Sa interview sang Bombo Radyo Iloilo, ginpahayag sang gobernador nga ginakulang na karon ang quarry materials bangud sang madasig nga development sa imprastraktura sa siyudad kag probinsiya sang Iloilo.
Apang kun madayon ang mountain quarrying, ginpahayag ni Defensor nga mismo ang probinsiya ang maga-quarry kag ibaligya lang sa mga contractors.
Ginpahayag ni Defensor nga wala na sang kuhaan sang balas kag bato ang mga contractor kun hugtan sang probinsiya ang pag-quarry.
Sa ti-on nga wala sang kuhaan sang materyal, ma-cancel ang mga kontrata kag gobyerno gihapon ang mahul-an suno sa gobernador.