𝗜𝗟𝗢𝗜𝗟𝗢 𝗖𝗜𝗧𝗬 — Gin-gisa ang Metro Pacific Iloilo Water (MPIW) kag Metro Iloilo Water District (MIWD) sang Iloilo City Council sa ginpatigayon nga hearing kaangot sa pagpasaka sang minimum rate sang ila tubig.
Sa interview sang Bombo Radyo kay Mr. Alfredo Tayo III, General Manager, Metro Iloilo Water District, iya ginpahayag nga santo sa joint venture yara sa 117 million liters per day kuntani ang i-deliver nila apang sa subong, yara lamang sa 18 million combined liters per day ang ila nga ma-supply, sa diin, 30% pa lang ang kabug-usan nga maserbisyohan sang tubig sa Iloilo City.
Suno kay Tayo, ila gina-ako nga indi maayo ang ila serbisyo sa tubig bangud man sa problema sa mga pipes, apang bukas sila sa konseho agud islan ang mga tubo apisar nga posible dako ang ila magasto.
Ginpahayag man sini nga nagalab-ot sa P900 million ang ila nga investment para sa ila 2024 – 2025 nga proyekto nga tuyo makapasangkad sang ila nga serbisyo sa mga konsumidor.
