ILOILO CITY – Wala sang katupong nga kalipay ang nabatyagan sang mga nagdaog sa Mister and Miss Philippine Youth Iloilo 2024.
Ini amo sanday:
Mr. Philippine Youth Iloilo City 2024: Jasper Ruby Vijar
Ms. Philippine Youth Iloilo City 2024: Rica Daniella Tan
Mr. Philippine Youth Iloilo Province 2024: Bryan Gaitan
Ms. Philippine Youth Iloilo Province 2024: Leannah Andrea Toroy
Sa interview sang Bombo Radyo kay Tan, iya ginpahayag nga proud siya nga nakadaog sa pageant.
Suno kay Tan nga isa subong ka Bachelor of Science in Nursing student sa West Visayas State University, pinaagi sa nasambit nga pageant napakita niya ang iya advocacy nga anti-bullying.
Samtang, suno naman kay Toroy, bilang isa ka graduate sang Bachelor of Science in Fisheries, ang iya ginpahayag dako ini nga kahigayunan nga ipaintindi nga ang Fisheries ang kabahin sang kabuhi.
Nangin palaagyan naman ang pageant suno kay Gaitan agud ipakita sini ang iya advocacy nga climate change awareness.
Si Gaitan ang nagtapos sa kurso nga Bachelor of Secondary Education major in MAPEH.
Ang mga winners ang magatiglawas naman sang syudad kag probinsya sang Iloilo sa palaabuton nga national pageant sa Enero 2025.
