Bukas kag pabor si Msgr. Meliton Oso sa ginaduso nga Coastal and Floating Solar Initiative sang Infrastructure Development Committee – Regional Development Council (RDC) Region 6 ang sa Western Visayas.
Sa interview sang Bombo Radyo kay Msgr. Meliton Oso Director, Jaro Archdiocesan Social Action Center (JASAC), iya ginpahayag nga pabor siya sa nasambit nga proyekto bangud nga isa ini ka sustainable and renewable solar energy kun sa diin sa makadali nga tion posible na nga ma-untat ang paggamit sang mga fossil fuel power station kag mabuhinan ang mga polusyon nga nagatuga sang halit sa palibot.
Suno kay Msgr. Oso, isa pa gid nga rason nga pabor siya bangud sa bahin sang ekonomiya, mapanubo ang gasto sang mga kunsumidor sa kuryente.
Ini kasunod sa ginpahayag sang ahensya sang Infrastructure Development Committee – Regional Development Council (RDC) Region 6 nga isa sa mga tinutuyo nga matabo kun mapatindog ang proyekto amo ang pagpanubo sang presyo sang kuryente.
Pahayag pa niya, dapat nga hatagan man sang atensyon ang mga pumuluyo sa coastal areas ilabi na ang nga marginalized fisherfolk kun sa diin indi dapat ang mga ini maapektuhan ang ila nga pangabuhian.
 Region 6 ang sa Western Visayas.){kind=link}