Panubuon pa gid sang Department of Agriculture (DA) sa P48 kada kilo ang maximum suggested retail price (MSRP) para sa imported rice umpisa sa Sabado, Marso 1.
Ini ang una nga bes nga mas manubo ini sa P50 kada kilo.
Apang suno kay Agriculture Secretary Francisco Tiu Laurel Jr., indi ini pag-iimplementar sa bilog nga Pilipinas kundi sa Metro Manila lamang sa kag pili nga urban centers. Ini bangud suno sa tiglikom, nakitaan na sang pagnubo sa presyo sa pila ka mga probinsya kag wala na nagakinahanglan sang MSRP.
“The maximum suggested retail price for imported rice will be lowered to P49 per kilo starting Saturday, March 1, marking the first time since the MSRP was introduced six weeks ago that it will slip below the P50 mark,” kabahin sang statement sang tiglikom.
“In many provincial areas, we’ve seen prices of imported rice already lower than the MSRP. So we will apply it more selectively,” dugang ni Tiu Laurel.
Matandaan nga sa una nga implementasyon, ginhimo nga P58 per kilo ang MSRP sang Enero 20; P55 per kilo umpisa sang Pebrero 5; kag P52 per kilo sang Pebrero 15.
Magapadayon sa pag-review ang DA sa presyo sa masunod nga mga inadlaw agud nga matumod kun kinahanglan pa gid nga panubuon ang presyo.
Gin-abi-abi naman sang agricultural group nga SINAG ang tikang sang DA ilabi na bangud ang target nga makit-an sang grupo nga ideal price amo ang P40-45/kilo.
