Ginalantaw ni former Philippine National Police (PNP) chief kag subong Senador Ronald ‘Bato’ dela Rosa nga posible nga may kapalpakan sa intelligence sa natabo nga pagpamomba sa Dimaporo Gym sa Mindanao State University nga ginkamatay sang apat ka mga tawo kag ginkapilas sang 50 ka iban pa.
Suno kay dela Rosa, posible nga wala ini na-monitor sang otoridad; ukon kun na-monitor man, posible nga wala sila nakaakto base sa ila nakuha nga intelligence reports.
“Well, pwedeng merong failure of intelligence dahil nga hindi namonitor ‘di ba? Kung namonitor man nila, failure to act on the intelligence. Ganon naman talaga ang mangyayari dyan,” pahayag sang senador.
Apang gindepensahan man sini ang security agencies sang Pilipinas bangud suno sa iya, bisan ano pa ka hugot ang seguridad, kun may plano ang terorista nga mag-atake, mangita gid sila sang tiyansa nga makasulod sa ila nga target.
“But then again, kahit naman sabihin na, as I’ve said — kahit anong effort ang gawin ng gobyerno, ng security forces, and everyone involved — even ng citizens – kapag meron talagang plano o deliberate attack na gagawin ay maghahanap sila ng tiyansa na mababa ang guards mo saka sila titira,” dugang sini.
Ginsiling man sini nga bisan makabig nga act of terrorism man ang natabo kaangay sa natabo man sa Marawi sang 2017, mas malala gihapon ang una nga pag-atake ukon Marawi Siege bangud bilog nga syudad ang naapektuhan, nagpabilin sa lugar ang mga terorista, kag kinahanglan nga mag-deklarar sang State of Lawlessness.
Sa bahin sang natabo sang Domingo sang aga, kinahanglan anay suno sa senador nga tun-an sang maayo kun ideklarar man ang amo nga estado sa amo nga syudad sa Mindanao.#
