ILOILO CITY–Ginbuksan na para sa mga turista ang Mt. Napulak sa Igbaras, Iloilo.
Ini matapos ang tatlo ka adlaw nga pagpasirado sang amo nga tourist destination bangud sa natabo nga engkwentro sa tunga sang tropa sang gobyerno kag New Peoples Army (NPA) sa Antique.
Sa interview sang Bombo Radyo kay Mayor Vicente Escorpion Jr., iya ginpahayag nga ginpasirado ang Mt. Napulak para man sa seguridad sang tanan.
Dugang pa ni Escorpion, ginpasirado ang tourist destination sang Agosto 15, 2018.
Indi man mahinago suno sa alkalde nga isa sa mga problema sa banwa amo ang insurgency.