Pagasiraduhon ang porsyon sang Mulley Loney St., Iloilo City Proper buwas nga adlaw, Enero 13, 2025 kaangot hiwaton nga National Rally for Peace sang Iglesia ni Cristio-Christian Family Organization.
Sa interview sang Bombo Radyo kay Ret. PCOL. Uldarico Garbanzos, head sang Iloilo City Traffic Management Unit, iya ginpahayag nga ang nasambit nga dalan ang siraduhon bangud nga malapit ini sa freedom grandstand nga hiwatan sang aktibidad.
Suno kay Garbanzos, mahimo nga mapuno sang 30,000 ka nga indibidwal ang Iloilo Freedom Grandstand para sa nasambit nga kahiwatan nga naghalin man sa nagkalain-lain nga perte sang Rehiyon 6.
Gina-ekspektar man sang natungdan nga ginabanta 1,000 ka mga salakyan ang magasulod sa syudad dala ang tagsa nila ka mga representatives para sa aktibidad.
Nahibaluan nga sa ginpirmahan ni Iloilo City Mayor Jerry Treñas nga Executive Order 005-A series of 2025, nagrekomendar ini sa mga national government agencies kag mga pribado nga kompaniya sa pag-suspend sang ila operasyon kaangot sa kahiwatan.
