Ginpakigbahin sang isa ka multi-awarded Ilongga teacher sa US Virgin Islands ang gahum sang dedikasyon kag pagpalangga sa trabaho bilang sekreto sang kadalag-an.
Ini amo si Cristina Marie Senosa nga ginbun-ag sa Sara, Iloilo apang nagsaylo sa Iloilo City sang 2001 kag subong isa ka manunudlo sa US Virgin Islands.
Pila sa nabaton ni Senosa nga awards amo ang Outstanding Teacher sang 2010-2011 sang diri pa ini nagatudlo sa Iloilo City.
Sang nagsaylo ini sa luwas sang pungsod, ginhatagan ini sang Outstanding Teacher award sa Doha, Qatar sang 2014.
Sang yara na ini sa US Virgin Islands, ginpasidunggan ini sang Service Award, United Federation of Fil-Am Educators sang 2024.
Sa interview sang Bombo Radyo kay Senosa, iya ginpahayag nga bilang isa ka teacher, nakahibalo siya kun ano ka importante ang iya papel sa paghurma sang isa ka bata agud mangin masanag ang palaabuton sini.
Suno sa iya, ini ang rason kun ngaa humalin sang una tubtob subong, 100% gid ang ginahatag niya nga dedikasyon para sa iya propesyon.
Ginpahayag naman ni Senosa nga labaw sa mga pasidungog nga iya nabaton, ang nagahatag sang kahulugan sa iya pagka-manunudlo amo ang realisasyon nga kabahin siya sang kadalag-an sang iya nga mga estudyante.
Nahibaluan nga si Senosa ang graduate sang West Visayas State University sa kurso nga Bachelor of Secondary Education Major in Social Science/Social Studies.
Yari ang mga nabaton nga awards ni Senosa humalin sang nagsugod ini bilang isa ka educator:
- 2024 Service Award, United Federation of Fil-Am Educators
- 2024 National Board Officer, United Federation of Fil-Am Educators
- 2023 Perfect Attendance Award
- 2023 NVTA Teacher of the Year (November and June)
- 2023 Outstanding in Leadership in Education Award, United Federation of Fil-Am Educators in
the United States Inc. (UNIFFIED), US Virgin Islands Chapter - 2023 Chapter Representative, UNIFFIED US Virgin Islands Chapter
- 2022 State Teacher of the Year, U.S. Virgin Islands Department of Education
- 2021 Teacher of the Year, STTJ District U.S. Virgin Islands Department of Education
- 2021 Ulirang Guro Award, United Federation of Fil-Am Educators
- 2016-2021 Best in Attendance Award, Ivanna Eudora Kean High School, U.S. Virgin Islands
- 2014 Outstanding Teacher, Doha, Qatar
- 2010-2011 Outstanding Teacher, Harvest of Excellence, Division of Iloilo City, Philippines
- 2009-2010 Most Functional Bulletin Board, Harvest of Excellence, Division of Iloilo City
- 2008-2009 Most Interactive Class, Harvest of Excellence, Division of Iloilo City
