Nagtaliwan na sa edad nga 74-anyos ang multi-awarded Filipino playwright kag visual artist nga si Tony Perez.
Base sa kumpirmasyon sang pamilya, Mayo 20 sang ginbawian sang kabuhi si Tony ukon Antonio Benjamin Silva Perez sa matuod nga pangalan.
Isa siya ka renowned fictionist, painter, educator, expert sa paranormal kag sa Philippine mysticism.
Ginkilala naman sang Cultural Center of the Philippines (CCP) ang daku nga kontribusyon ni Tony sa Pilipinas lakip na ang pagtindog sini para sa psychological realism sa drama amo man ang spiritual exploration.
Nabun-ag si Tony sang 1951 sa San Fernando, Pampanga.
Lakip sa iya bantog nga plays amo ang “Hoy, Boyet, Tinatawag Ka Na; Hatinggabi Na ‘y Gising Ka Pa Pala,” “Anak ng Araw,” “Gabun,” “K-31,” “Luwalhati,” “Florante At Laura (The Musical),” “Ang Prinsipe Ng Buwan,” “Sa Pugad Ng Adarna (The Musical),” kag madamo nga iban pa.
Lakip sa iya awards nga nabaton amo ang CCP Thirteen Artists Award sang 1974, FAMAS Award for Best Story sang 1975, grand prize for Novel in the Filipino Division sa Don Carlos Palanca Memorial Awards for Literature sang 1984, National Book Award for Fiction sang 1995, kag ang CCP Centennial Honors for the Arts sang 1999.
Lakip naman sa iya nabalhag nga mga libro amo ang “Cubao 1980 At Iba Pang Mga Katha: Unang Sigaw Ng Gay Liberation Movement Sa Pilipinas,” “The Calling: A Transpersonal Adventure,” “Mga Panibagong Orasyon,” kag “Mga Panibagong Kulam Sa Pag-ibig.”
