Ginbawian sang kabuhi ang walo ka ka tawo samtang apat naman ang pilason matapos nagub-an sang preno kag nagbaliskad ang isa ka multicab sa Ayungon, Negros Orient*l.
Base sa imbestigasyon, pakadto sa patyo agud magduaw sa ila abyan ang mga biktima sang natabo ang insidente sa Sitio Tumampon, Barangay Tiguib.
Ang mga napatay amo ang mga pasahero nga sanday Edwin Deguit Sr, Zenaida Sabanal, Libby de Jesus, Ernesta Villasco, Annabelle Devero, Chinly Magalso, Artillana Deguit kag Elphy Deguit nga lunsay gindeklarar nga dead on arrival sa ospital.
Ginbawian naman sang kabuhi samtang ginabulong sa ospital ang duha ka iban pa.
Nakaluwas naman sa trahedya ang driver nga si Juan Maratas Lopez, 56 anyos, residente sang Barangay Bagacay, Dumaguete City.
Magluwas sa iya, nakasalbar man ang tatlo ka iban pa kalakip na ang isa ka 13-anyos nga ginabulong pa sa ospital.
