ILOILO CITY – Wala napunggan sang Multimedia princess nga si Nadine Lustre nga mag-fire back sa mga netizens nga nagamandu sa iya kag sa iya mga abyan kun ano ang dapat niya nga himuon.
Sa isa ka tweet, ginpakigbahin sang aktres ang iya pagkadismaya kag ginpanindugan nga indi na siya bata para nga tudluan.
Suno sa iya, indi na siya isa ka 10 year old kag dapat nga untatan na ang pag-tag sa iya, sa iya nobyo kag mga kaabyanan.
Ini ang kasunod sang iya Instagram posts kun sa diin, gin-flaunt niya ang iya fit figure sa isa ka beach getaway sa France.
Nahibaluan nga nagbakasyon si Nadine upod ang iya nobyo nga si Christophe Bariou nga isa ka French businessman.
Sang nagligad nga tinuig, nangin open ang aktres sa iya romance kay Christopher.
Ang duha ang nagkitaay sa Siargao.
