ILOILO CITY – Isa ka man bala sa nagahulat-hulat sang comeback sang screen superstar nga si Anne Curtis.
Good news bangud ready na siya.
Matapos ang masobra sa duha ka tuig nga hiatus sa showbiz, gin-confirm sang first-time mom nga ready na siya sa iya acting comeback sa 2023.
Ini ang gin-confirm ni Anne pinaagi sa pag-respond sa tweet sang isa ka fan nga nagapamangkot kun san-o siya magabalik.
Gin-include pa sang mga fans ang mga screenshots sang nangin performance ni Anne sa isa ka noontime show kun sa diin, gin-portray sini ang isa ka iloy nga nagapangita sang iya anak.
Suno kay Anne, ready na siya sa masunod nga tuig.
Bangud sini, madamo sang na-excite kag naga-wish nga ang next project sang actress ang isa ka series ukon movie nga related sa iya priority subong nga amo ang first-time mother.
Nahibaluan nga nag-break anay sa showbiz si Anne samtang nga gin-welcome nila sang iya bana nga si Erwan Heussaff ang ila una nga anak nga si Dahlia.
Sang Mayo, nagbalik siya sa iya TV career sang nag-co-host ini sa isa ka noontime show.
Ang pinakaulihi nga major acting project ni Anne ang 2019 Metro Manila Film Festival entry kun sa diin, gin-film niya ini sang nagadala na kay Dahlia.
