Ginpaidalom sa total lockdown ang Municipal Hall sang Tubungan, Iloilo subong nga adlaw, Mayo 24.
Sa interview sang Bombo Radyo kay Mayor Roquito Tacsagon, iya ginpahayag nga ini ang kasunod sang pagpositibo sa COVID-19 sang isa nila ka empleyado nagikan sa Municipal Planning and Development Office nga may kaupod sa balay nga nagatrabaho sa ospital kag una nga nagpositibo sa amo nga virus.
Indi naman magnubo sa 10 ang naclose contact sang empleyado nga COVID-19 positive nga sa subong ginpaidalom na sa istrikto nga quarantine samtang ginahulat ang resulta sang Reverse Transcription Polymerase Chain Reaction (RT-PCR) test.
Suno kay Tacsagon, bangud diri, nagdesisyon sila nga ipaidalom sa total disinfection ang munisipyo.
Magabalik ang operasyon sang munisipyo bwas, Mayo 25.
Nagapangayo naman sang paghangop ang alkalde sa mga pumuluyo sang Tubungan.
