OTON, ILOILO – Temporaryo nga ginsirado ang Municipal Health Center sang Oton, Iloilo matapos nga isa ka empleyado ang naka-angkon sang close contact sa isa man ka COVID-19 positive.
Sa interview sang Bombo Radyo kay Jafet Salinas, focal person for COVID-19 sa nasambit nga banwa, iya ginpahayag nga 1:00 kaina sang hapon sang ginsirado ang Municipal Health Center kag magabalik ang normal operation sa Huwebes, Setyembre 10.
Suno kay Salinas, ang COVID-19 positive amo ang anak sang nasambit nga empleyado nga nakitaan sa subong sang sintomas sang COVID-19.
Ginpahayag ni Salinas nga ginpanugyanan ang empleyado nga mag-home quarantine samtang duha naman ka adlaw ang gintalana para sa disinfection sa bug-os nga Municipal Health Center.
Apisar sini, ginpahayag sang natungdan nga available naman ang ambulansya sa tion nga may yara sang emerhensya.
