NUEVA VALENCIA,GUIMARAS – Suspendido subong nga adlaw, August 10, ang trabaho sa munisipyo sang Nueva Valencia, Guimaras.
Sa interview sang Bombo Radyo kay Vice Mayor Paul Vincent Dela Cruz, iya ginpahayag nga siraduhon ang munisipyo sang Nueva Valencia matapos nga isa ka COVID-19 positive ang nakapadulong sa nasambit nga banwa.
Suno kay Dela Cruz, temporaryo nga siraduhon ang munisipyo agud hatagan sang ligwa ang disinfection apang magapabilin naman nga bukas ang talatapan sang Rural Health Unit kag ang Municipal Disaster Risk Reduction and Management Counil.
Santo sa Executive Order ni Mayor Emmanuel Galila, until further notice ang lockdown.
Sa subong, padayon naman ang contact tracing sa nasambit nga banwa.
