Ginpakita na sa publiko ang full performances sang masobra 50 ka mga kandidata sa Miss Universe Philippines (MUPH) 2024 preliminary competition.
Nagrampa ang mga beauty queens para sa introduction kag ginsundan ang swimsuit kag evening gown.
Na-stream naman ang preliminary competition kun sa diin ginpamangkot ang mga kandidata sa ila nga personal lives, advocacies, professions, hobbies kag kun ngaa sila ang dapat masunod nga Miss Universe Philippines.
Antes na-enjoy sang fans ang streaming, walo ka oras ang delay sang Miss Universe Ph organizers bangud sa technical difficulties. Domingo sang gab-i pa ini nga kumpetisyon apang gindesisyunan nga i-delay ang telecast.
Ang highest scoring delegates sa prelims ang magasulod sa semi-final round. Lakip man sa semifinalists amo ang top winners sang nagkalain-lain nga challenges antes ang final show kaangay sa swimwear, runway, interview, kag casting reel.
Ang grand coronation night naman ang magasunod na buwas, Mayo 22, kun sa diin magluwas sa Miss Universe Philippines 2024 crown, may apat ka iban pa nga national crowns nga ihatag sa apat ka iban nga mga kandidata nga amo ang Miss Supranational Philippines, Miss Charm Philippines, Miss Eco International Philippines, kag Miss Cosmo Philippines.
