Gin-anunsyo na sang Miss Universe Philippines (MUPH) organization nga sa Abril sa masunod nga tuig na koronahan ang bag-o nga successor ni reigning Miss Universe Philippines Chelsea Manalo.
Ini isa ka bulan nga mas temprano sa iya crowning anniversary nga Mayo 22.
Suno sa organization, mas temprano ini bangud sa eleksyon sa Mayo.
Ginpasiguro naman sang organisasyon nga ang 2025 Miss Universe Philippines pageant ang mas dako kag mas manami kun ipaanggid subong nga tuig kun sa diin possible nga maglab-ot sa 80 ang participants nga ginalauman nga ipadala sang mga local directors.
Matandaan nga sa 73rd Miss Universe pageant sa Mexico sang nagligad nga bulan, ginkoronahan si Manalo bilang pinakauna nga Miss Universe Asia.
