ILOILO CITY- Ginpasakaan sang tatlo ka kaso ang suspect sa pagluthang-patay kay former Ingore, La Paz Punong Barangay Ernie Poral sang Agosto 5 sa Baldoza, La Paz, Iloilo City.
Ini amo si Nilo Guardaya,39, residente sang Barangay Igcocolo, Guimbal, Iloilo.
Sa interview sang Bombo Radyo kay Police Captain Marlon Perez, hepe sang La Paz Police Station, iya ginpahayag nga magluwas sa kaso nga murder kag illegal possession of firearms, ginpasakaan man ini sang kaso nga paglapas sa Republic Act 9165 ukon Comprehensive Dangerous Drugs Act of 2002 bangud sa pagkarekober sa iya sang drug paraphernalia.
Ginkumpirma man ni Perez nga nagpositibo man sa drug test si Guardaya.
Una na nadakpan si Guardaya sa Barangay Girado-Magsaysay, Guimbal kahapon, Agusto 6.
