Lantawon pa sang Dumangas Municipal Police Station kun bala masulod sa murder ukon homicide ang kaso nga ipasaka batuk sa senior citizen nga naglampos-patay sa iya kasilingan gamit ang bara sa Barangay Patlad, Dumangas, Iloilo.
Ang biktima amo si Allan Dula-ogon , legal ang edad samtang ang suspek naman amo si Arturo Deala, 69, lunsay mga residente sang nasambit nga barangay.
Sa interview sang Bombo Radyo kay Police Major Joven Arevalo, hepe sang Dumangas Municipal Police Station, iya ginpahayag nga base sa ila nga imbestigasyon kag panaysayon sang mga residente sang nasambit nga barangay, kilala nga maoy ang suspek.
Posible suno kay Arevalo nga na-timingan ni Deala ang biktima nga naglabay sa iya balay kag ginhangkat sini nga magtapungulay tubtob nga ginlamposan niya sang bara.
Indi pa mapat-od sang hepe kun bala may yara sang daan nga hiligut-anon ang suspek kag ang biktima.
