Nagsalangisag ang mga tawo sa opening night sang music festival sa Houston, Texas sa Estados Unidos.
Patay ang walo ka tawo samtang madamo naman ang pilason matapos nga nagdinaguso kag nagtinikludanay ang mga tawo agud lang nga makapaatubang sa stage samtang nagaperform ang rapper nga si Travis Scott.
11 ka tawo ang gindala sa ospital bangud sa cardiac arrest kag walo ang napatay lakip na ang 10 ka tuig nga bata.
Ginabanta yara sa 50,000 ka tawo ang nagtambong sa amo nga event.
Suno sa Houston Chronicle, makapila ka beses nag-untat si Travis Scott sa iya nga 75-minute performance sang iya nakit-an ang mga fans nga nagapangayo sang bulig sa atubang sang stage.
Gilayon man nga nagpangayo sang security ang rapper agud nga makuha ang mga tawo nga na-ipit kag na-pilpilan.
Si Travis Scott amo ang nagtukod sang nasambit nga festival nga para kuntani sa iya nga youth charity.
