OTON, ILOILO – Dakop ang isa ka Muslim nga nagapalapta sang peke nga kwarta sa Oton Public Market.
Ang arestado amo si alyas Jahara tumandok sang Sultan Kudarat kag temporaryo naga-istar sa Taguig City.
Sa interview sang Bombo Radyo kay Jahara, iya ginpahayag nga subong lang sila nga adlaw nag-abot sa Iloilo via Aklan Port.
Suno kay Jahara, ginsugo lang siya sang iya abyan nga si certain ”Rabiya” nga mabakal sang prutas, apang likom sa iya ihibalo, peke ang ginhatag sa iya nga P500 nga cash.
Ginpahayag sini nga ini ang iya pinakauna nga kahigayunan nga nagpadulong siya sa Iloilo.
Sang ginrikisa sang mga otoridad, nakuhaan pa gid ini sang dugang pa gid peke nga mga P500 bills.
Sa subong, preso na ini sa Oton Municipal Police Station.
