Ginpirmahan na ni Russian President Vladimir Putin bilang layi ang treaty sa strategic partnership sang Russia sa North Korea kun sa diin nalakip ang mutual defense provision.
Ini nga kasugtanan ang una na nga ginpirmahan nanday Putin kag North Korean leader Kim Jong Un sa Pyongyang sang Hunyo.
Kasugtanan ini sa duha ka magtimbang nga bahin nga mag-apinay pananglitan may armado nga pagpang-atake batok sa ila.
Ginratipikahan sang upper house sa Moscow ini nga treaty sini lang nga semana samtang gin-endorso naman ini sang lower house sang nagligad nga bulan.
Mas pabaskugon sini ang relasyon sang duha ka pungsod halin sang naglunsar ang Russia sang full-scale invasion sa Ukraine sang February 2022.
Base sa reports sang South Korea kag Western countries, ang North Korea ang naga-suplay sang mga armas sa Russia sa sini nga gyera.
May nauna man nga gin-report si Ukrainian President Volodymyr Zelenskyy nga nagpadala ang Pyongyang sang 11,000 tropa sa Russia agud magbulig sa Ukraine war.
