Indi na magpatigayon ang Police Regional Office (PRO6) sang sealing and muzzling sang service firearms sa pagsug-alaw sang bag-ong tuig.
Sa interview sang Bombo Radyo kay Police Brig. Gen. Jack Wanky, Regional Director sang Police Regional Office, iya ginpahayag nga ang tikang ang isa ka paghatag sang importansya nga disiplinado ang mga pulis subong nga Yuletide season.
Suno kay Wanky, wala sila sang nakita nga rason agud ibalik ang tradisyon nga selyuhan ang mga armas luthang sang mga pulis.
Ginpahayag man sini nga nahatagan na sang warning ang katapo sang kapulisan nga indi na maggamit sang ila pusil sa pagsug-alaw sang 2025.
Nahibaluan nga ang Philippine National Police (PNP) ang anay
nagapatuman sang gun muzzling policy agud mapunggan ang mga pulis nga magpalupok sang ila mga pusil sa tion sang paskwa kag bag-ong tuig.
Halos 40,000 ka mga tinawo sang PNP ang gin-deploy para sa holidays, nga nagaseguro sang mga simbahan sa tion sang Simbang Gabi ukon dawn masses, mga transportation hub, mga mayor nga dalan, mga seaport, mga airport, mga establisimento komersyal, mga vital installations kag iban pa nga mga lugar.
