GUIMARAS – Maga-abot buwas nga adlaw, sa syudad sang Iloilo ang MV Yohan Cruiser agud nga magbiyahe sa ruta nga Iloilo-Buenavista, Guimaras vice versa.
Sa interview sang Bombo Radyo kay Buenavista Mayor Eugene Reyes, iya ginpahayag nga ginkumpirma sa iya ni Mr. Joel Retiza, operations manager sang Atalantis Yohan Express Corporation, nga magabiyahe ang nasambit nga barko.
Ang MV Yohan Cruiser suno kay Reyes ang isa ka 162 gross tonage nga barko kag may passenger capacity nga nagalab-ot sa 300.
Magabiyahe ang nasambit nga barko humalin 6:00 sa aga tubtub 8:00 sa gab-i.
Subong nga adlaw, nag-umpisa naman sa pagbiyahe ang 170 gross tonage nga MV Yohan Green nga may passenger capacity nga 270.
Ang MV Yohan Green ang may ruta nga Iloilo-Jordan, Guimaras vice versa.
