GUIMARAS – Patay na sang nasapwan ang lalaki nga nalumos sa baybayon sang Panobolon, Nueva Valencia, Guimaras.
Ang biktima amo si Rex Ramos, 38, kag residente sang Guiwanon, Nueva Valencia, Guimaras.
Sa interview sang Bombo Radyo kay Municipal Disaster Risk Reduction Management Officer Loren Gallarda, iya ginpahayag nga katapo sang bantay dagat ang nalumos nga si Ramos.
Suno kay Gallarda, halin sa Panobolon si Ramos kaupod ang duha niya ka mga abyan kag padulong sila kuntani sa Cabalagnan, Nueva Valencia, Guimaras sang ini ang nahulog sa pump boat.
Dugang pa sang natungdan, madasig ang pagpadalagan sang pump boat nga mahimo amo ang kabangdanan nga nahulog sa dagat ang biktima.
