ILOILO CITY – Padayon pa ang imbestigasyon sang Pototan Municipal Police Station may kaangtanan sa ginapahayag pagpanginmatay sang isa ka lalaki sa Barangay Igang, Pototan, Iloilo.
Ang biktima nga wala na ginhingadlan ang nasapwan nga wala sang kabuhi sa sulod sang iya balay.
Pilas sa ulo ang na-agum sang biktima nga tuga sang pagkatiro.
Na-recover sa lugar ang homemade 12-gauge shot gun.
Sa interview sang Bombo Radyo kay Police Staff Seargent Amando Caporal, imbestigador sang Pototan Municipal Police Station, iya ginpahayag nga ipaidalom pa sa crime scene investigation ang lugar agud nga matumod kun may yara sang foul play.
Sa imbestigasyon sang otoridad, wala na sang kaupod sa iya balay ang biktima kag isa ka aktibo nga myembro sang Ministry sa ila parokya.
Sang una, may yara ini sang live-in partner apang sa subong, wala na sila naga-upod.
Dugang pa ni Caporal, base sa panaysayon sang pamilya sang biktima, may personal nga problema ang lalaki nga nagresulta sa depression.
