ILOILO CITY – Naghatag sang bugal sa Indigenous Peoples ang Valedictorian sang West Visayas State University Batch 2024.
Ini amo si Rey Dane Rapista, 22, tumandok sang Don T. Lutero West, Janiuay, Iloilo.
Si Rapista ang graduate sang Bachelor of Arts in English Language Studies kag nagtapos nga Summa Cum Laude.
Sa interview sang Bombo Radyo kay Rapista, iya ginpahayag nga napamatud-an niya nga indi upang ang kapigaduhon agud makatapos sa pagtuon kag mangin Most Outstanding nga estudyante.
Bangud sa sobra nga pagkinot kag pagpagutom suno sa natungdan, nagakalipong ini sa eskwelahan.
Suno kay Rapista, subang siya sa anom ka mag-utod sa diin ang iya amay ang laborer kag ang iloy ang nagabaligya sang nagkalain-lain nga mga produkto.
Ginpahayag sini nga sa iya pagtuon, nangin salandigan niya ang 4M nga nagakahulugan sang Madiskarte, Maisog, Mapag-on kag Mapasalamaton.
Sa subong, plano ni Rapista nga maga-angkon sang trabaho agud makabulig sa iya ginikanan.
Nagahandom man ini sa ulihi nga magkuha sang Juris Doctor degree agud mangin abogado.
