ILOILO CITY – Wanted ang isa ka myembro sang LGBT Community ukon agi matapos nag TocoToco Challenge kag nagrampa nga naka swimsuit kag wala naga face mask sa Plazoleta Gay sa Iznart corner Ledesma St., Iloilo City Proper.
Sa exclusive interview sang Bombp Radyo kay Mr. Jeck Conlu, Focal Person sang COVID-19 Team sang Iloilo City Government, iya ginpahayag nga nakilala na nila ang nasambit nga persona kag natumod naman kun sa diin siya naga istar.
Ini amo si Jay Hormillosa kag residente sang distrito sang Lapuz.
Suno kay Conlu, hatagan nila sang kahigayunan si Hormillosa agud magpaathag sa iya paglapas sa quarantine protocol.
Magamulta naman si Hormillosa sang P500 bilang penalidad sa paglapas sa ordinansa sa indi pagsuksuk sang face mask.
