Hugot nga ginbalabagan sang myembro sang Makabayan bloc ang ginaduso ni Presidente Rodrigo Duterte nga dulaon sila sa House of Representatives ukon Kamara.
Ini ang kasunod sang pagpati sang presidente nga front organization sang Communist Party of the Philippines-New People’s Army-National Democratic Front (CPP-NPA-NDF) ang Makabayan bloc.
Sa interview sang Bombo Radyo kay Bayan Muna Party-list Representative Carlos Isagani Zarate, iya ginpahayag nga apisar wala pa sang una ginhatagan sang puwesto nga makapungko ang mga partylist representatives, partikular ang Makabayan bloc, may nagakatabo na nga rebellion sa Pilipinas.
Suno kay Zarate, ginahimo lang nga rason ni Duterte ang pagdula sang Makabayan bloc agud tabunan ang kapaltahan sang gobyerno.
Sa tion pa sang mga nagliligad nga administrasyon suno kay Zarate partikular sang tyempo sang anay diktador nga si the late President Ferdinand Marcos, may nagakatabo na nga rebellion kag indi dapat nga ibasol ini sa Makabayan bloc.
Nahibaluan sang tanan suno sa mamalidha nga ang matuod nga rason sang rebellion ukon ang pag-alsa sang publiko batuk sa gobyerno amo ang poverty, injustice kag madamo pa social ill.
Dugang pa ni Zarate, ang luyag gid matabo sang Duterte Administration ang dulaon ang Protectionist provision sa Constitution partikular sa Economic, Human Rights, kag Provision.
