Ginpahibalo na sang 3rd Infantry Division sang Philippine Army ang unit sang katapo sang militar nga nagpalupok sang pusil sa Barangay Hibao-an Norte, Mandurriao, Iloilo City.
Ang lalaki amo si Garry Dela Cruz sang Brgy. Pulo Maestra Vita, Oton, Iloilo kag na-assign sa Southern Negros.
Sa interview sang Bombo Radyo kay Major Cenon Pancito III, spokesperson sang 3rd Infantry Division sang Philippine Army, iya ginpahayag nga sang natabo ang insidente, naka “on leave” sa trabaho si Dela Cruz.
Ginasiguro ni Pancito nga may yara sang pagaatubangon nga penalidad ang soldado.
Apang sa subong, ginatugyan na lang sang natungdan ang imbestigasyon sa Philippine National Police.
Nahibaluan nga mismo ang mga pulis nga nagabantay sa quarantine control point sa Hibao-an Norte amo ang nakarekisa kay Dela Cruz sa diin narecover sa iya ang caliber 45 nga armas.
Ang soldado ang yara sa impluwensya sang makahulubog nga ilimnon sang natabo ang insidente.
