MIAGAO, ILOILO – Wala pa sang identity ang Philippine Army sa myembro sang rebelde nga grupo nga napatay bangud sa natabo nga engkwentro sa Dalije,Miagao, Iloilo.
Sa interview sang Bombo Radyo kay Maj. Cenon Pancito III, tagpamaba sang 3rd Infantry Division sang Philippine Army, iya ginpahayag nga 30 ka mga myembro sang New People’s Army ang naka engkwentro sang mga militar kahapon nga adlaw.
Na-rekober sa lugar ang M16 riffle, tatlo ka mga bag, dokumento kag iban pa nga kagamitan.
Suno kay Pancito, padayon ang hot pursuit operation nga ginahimo sang militar sa nasambit nga lugar.
Dugang pa sang natungdan, masami nga naga libot-libot ang rebelde nga grupo sa nasambit nga lugar agud makahimo sang kampo.
