Naglab-ot sa masobra P611 million ang nabalik nga kuwarta sa kaban ng bayan halin sa restitution process may kaangtanan sa kontrobersiya sang flood control projects suno kay acting Justice Secretary Fredderick Vida.
Ang amo nga kandtidad suno sa ahensya ang naghalin sa mga state witness, anay opisyal kag contractor sang Department of Public Works and Highways (DPWH), nga nagbalik sang kuwarta sa gobyerno.
Target sang DOJ nga maibalik ang kantidad nga P1.5 billion.
Ang mga natapos na sang preliminary investigation nga mga dokumento ang ginpasa na sa Office of the Ombudsman para sa pinal nga pag-apruba antes masapaka ang nagakaigo nga kaso sa mga suspek.
Kabahin sa mga posible mapasakaan sang kaso amo sanday Senator Jinggoy Estrada kag anay Public Works Secretary Manuel Bonoan may kaangtanan gihapon sa ginaalegar anomalya sa flood control projects sa Bulacan.
Nagpasiguro ang DOJ nga magapasaka pa ang mga ini sang dugang nga kaso sa iban pa nga naulamid agud mapanabat ang tanan nga may kahilabtanan flood control scandal, lakip na diri si anay Ako Bicol Party-List Representative Zaldy Co, nga ginapatihan nga yara sa iban nga pungsod.
