Gintakod sa tiil sang isa ka babaye ang nabitas sini nga dulunggan bangud sa isa ka aksidente.
Natabo ini sa Shandong, China.
Isa ka adlaw, naaksidente ang nasambit nga babaye sa ginaubrahan sini nga factory sang ginlamon sang makina ang iya buhok nga nagresulta sa pagkagisi sang iya panit sa nawong kag ulo pag pagkabitas sang iya dulunggan.
Bangud sang natabo, ginkinahanglan niya nga magpaidalom sa serye sang reconstructive surgeries.
Suno sa mga doktor, indi gilayon mahimo nga mabalik ang iya dulunggan bangud sa damage sa ugat nga nagasuplay sang dugo.
Apang agud mapataas ang tsansa nga mabalik ang napaksi nga dulunggan, gindesisyunan nga itapik anay ini sa tiil sang babaye.
Ginpili nga sa tiil ini sang babaye itapik bangud ang panit sa area ang manipis kag ang blood vessels diri ang pareho ang kadakuon sa ugat sa dulunggan gani mas mahapos ang transplantation.
Naglab-ot sa 10 ka oras ang una nga operasyon.
Kritikal ang mga una nga adlaw sang transplant apang nangin estable man ang kondisyon sang pasyente.
Sa sulod sang lima ka bulan, ginkinahanglan sang babaye nga magsuksok sang halog nga sapatos kag maglakat sang mahinay agud malikawan ang pressure kag mapabilin ang sirkulasyon sang dugo.
Sang Oktubre, ginpatigayon ang operasyon agud ibalik ang dulunggan sa orihinal sini nga puwesto kag madinalag-on nga nahimo ini sang mga doktor.
