Nasapwan nga yara sa sulod sang maleta nga nagalutaw sa suba sa San Jose del Monte, Bulacan ang bangkay sang 16-anyos nga dalagita nga isa ka semana na nga wala nakapauli.
Nakit-an ang maleta sa Sapang Alat river sang may napanimahuan ang mga tawo.
Sang ginlantaw ang maleta, didto nakit-an ang isa ka bangkay nga may mga pilas sa lawas.
Suno sa himata sang biktima, naglisensya ini nga maglagaw sa balay sang iya abyan sa Caloocan sang Pebrero 7 apang wala na nakapauli.
Sa kuha sang closed circuit television (CCTV), nakit-an ang biktima nga padulong sa balay sang iya abyan sa Caloocan.
Humalin sadto, indi na makontak ang iya cellphone tubtob nga nasapwan ang iya bangkay.
May persons of interest na ang pulis kaangot sa natabo sa dalagita.
