ILOILO CITY – Naka-recover na ang menor de edad nga na-infect sang dengue sang Barangay So-oc, Arevalo, Iloilo City.
Sa interview sang Bombo Radyo kay Punong Barangay Ricardo Tugado, iya ginpahayag nga napalibutan sang tubig ang balay sang menor de edad nga nahamtang sa Flores Village.
Suno pa kay Tugado, gilayon nga ginpahibalo sa Iloilo City Health Office ang naga-isahanon nga kaso nga ginpadulungan kag ginpadalom sa inspection.
Pagkaligad sang isa ka semana, naka-recover ang bata.
Wala man naga-untat ang katapo sang barangay officials sa pagpatigayon sang mga tikang agud nga malikawan ang pagdamo sang dengue sa lugar.
Nagpanawagan naman si Tugado sa pumuluyo nga mag-andam gid sa dengue kag magpaninlo sang palibot.
