Masami bala nagabatyag sang kasakit ang imo nga bibig bangud sa singaw?
Suno kay Dr. Bles Salvador, mahimo nga ang sintomas sang human immunodeficiency virus (HIV) amo ang masami nga ginatubuan sang singaw.
Isa sa mga kabangdanan kun ngaa may singaw ang tawo amo ang indi masami nga pag-ilis sang toothbrush nga nagaresulta sang impeksyon.
Mas maayo suno kay Dr. Salvador nga baylohan ang toothbrush sa tagsa ka bula ukon kada tatlo ka bulan.
Malikawan ang paglapta sang impeksyon sa baba sang tawo kun ginabaylohan sang bag-o ang toothbrush nga ginagamit.
Kung malala na ang pagbatyag sang singaw, mahimo nga sintomas ini sang HIV.
Panugyan sang eksperto, mahimo nga butangan sang asin kag baking soda ang tubig nga ipangmumog agud mabuhinan ang singaw.
Makabulig man ang pagbutang sang tawas ukon mga bulong nga gel agud mag-ayo ang mga singaw sa bibig.
Ang pinaka-importante amo nga magpakonsulta sa denstista agud nga madapatan sang nagakaigo nga pagbulong.
