Patay ang isa ka nagabusong nga iloy kag 11-anyos nga anak sini nga sakay sang tricycle matapos ginbungguan sang nagahagunos nga closed van truck sa Brgy. Alas-asin, Mariveles, Bataan.
Ang mga napatay amo sanday Kathrina Mejes, 32-anyos kag wala ginpangalan nga 11-anyos nga anak sini.
Pilason man ang pito ka mga kadete nga naga-jogging sa lugar matapos nalab-ot sang truck antes ini nagdiretso sa duha ka mga balay.
Ginpahayag nga nadulaan sang preno ang truck gani wala na ma-kontrol sang driver ang manibela.
Gindala pa pa sa ospital ang mag-iloy apang wala na natabangan pa.
Pilaso naman ang tricycle driver.
Kaso nga reckless imprudence resulting in double homicide and multiple injuries and damage to property ang atubangon sang driver sang truck.
