Naislan na ang ginreklamo nga steel post sa Barangay Salvacion Habog-Habog, Molo, Iloilo City.
Nahibaluan nga nagahilay ang amo nga poste kag ang mga kuntador ang tama ka nubo kag halos mabunggo na sa ulo sang mga tawo nga nagalabay.
Sa interview sang Bombo Radyo kay Elizabeth Tio, residente sa amo nga lugar, iya ginpahayag nga gilayon man ini nga gin-aktuhan sang More Electric and Power Corporation (MORE Power) kag mga Barangay officials.
Suno kay Tio, posible nga makatuga sang disgrasya ang nauna nga gintukod nga poste sa ila nga lugar kun ini ang ginpabay-an lang.
