Gintawag nga “fake news” sang Commission on Elections (COMELEC) ang nagalapta nga impormasyon nga pre-shaded ang mga balota nga gamiton para sa May 2022 national and local elections.
Sa interview sang Bombo Radyo kay Atty. Jay Balisado, director sang COMELEC-Region 6, iya ginpahayag nga antes makaptan sang mga botante ang balota, gina-chekyar anay sang mga manunudlo nga kabahin sang Board of Election Inspectors agud mapabilin nga fair kag free ang election.
Ang tanan nga proseso ang may yara gid sang nagabantay.
Dugang pa ni Balisado, indi man pagbatunon sang mga botante ang balota nga may yara na sang shade.
Ang dinaya-ay sa eleksyon ang malayo nga matabo suno kay Balisado bangud madamo sang nagabantay kag subong nga panahon, madali nga madakpan ang nagapangdaya.
