ILOILO CITY – Gin-athag ni Iloilo City Mayor Jerry Treñas nga fake news ang nagalapta nga text messages nga may yara sang negosyante sa syudad sang Iloilo nga nagpositibo sa Novel Coronavirus.
Sa interview sang Bombo Radyo kay Treñas, iya ginpahayag nga indi siya ang nagpalapta sang nasambit nga impormasyon paagi sa text message.
Suno kay Treñas, santo sa Department of Health kag World Health Organization, wala sang kaso sang Novel Coronavirus sa syudad sang Iloilo rason nga wala sang dapat kahangaw-an.
Ginpahayag ni Treñas nga indi gilayon magpati sa mga ginapalapta nga impormayson ilabi na kun wala ini sang pamatuod.
Nahibalu-an nga santo sa text message, gina-abisuhan ang tanan nga indi anay magpadulong sa isa ka commercial establishment bangud nga ginadudahan nga ang tag-iya ang may yara sang sintomas sang Novel Coronavirus.
Ang nasambit nga text message ang ginpanginwala naman sang tagdumalahan sang ginatumod nga commercial establishment.
