Welcome development para sa Police Regional Office (PRO) VI ang pagbasura sang Department of National Defense (DND) sang 1989-UP-DND Accord.
Sa idalom sang amo nga kasugtanan, ginadumilian ang pagsulod sang pulis kag militar sa mga campus sang University of the Philippines kun wala sang prior notice sa UP administration.
Sa interview sang Bombo Radyo kay PBGen Rolando Miranda, director sang PRO VI, iya ginpahayag nga sa sulod na sang tatlo ka dekada, nabudlayan ang pulis sa pag-imbestigar kun may mga krimen nga matabo sa UP bangud “may kaugalingon nga police security” ang nasambit nga unibersidad.
Suno kay Miranda, husto kag maayo ang desisyon nga tapuson na ang tatlo-ka-dekada nga kasugtanan; ilabi na bangud suno sa iya, ginapanag-iyahan man sang gobyerno ang UP kag nahamtang man sa Pilipinas ang tanan nga campus sini gani dapat nga magsunod sa layi sang pungsod.
“‘Yung ibang taga-UP kasi ang feeling nila ay may meron silang sariling mundo at sila ay may sariling batas na dapat sundin sa loob ng UP. Eh, ang UP naman ay pag-aari ng gobyerno at pangalawa, lahat ng UP campus ay nasa Pilipinas so ibig sabihin, eh dapat nasa ilalim din sila sa batas ng Pilipinas,” pahayag ni Miranda.
May sabat man si Miranda sa mga nagapakalamaot sa desisyon sang DND nga ibasura ang agreement.
“Ang natatakot lang diyan ay yung mga kasapi at sumusuporta sa NPA. Ang kriminal takot sa batas dahil kriminal sila. Kung hindi ka kasapi ng NPA, huwag kang matatakot. Dapat ka pang matuwa dahil unang-una, poprotektahan ka ng estado.”
Para sa mga naga-insister nga isa ka pamahog sa academic freedom kag seguridad sang mga estudyante ang pagpahanugot sa mga pulis kag militar nga makasulod sa campus, nagpahayag naman si Miranda nga “nagapa-BIG DEAL” lang ang UP.
“Masyado lang nagiging big deal ‘yang UP na ‘yan eh. Bakit ‘yung ibang eskwelahan, kapag pumapasok kami, hindi naman sila nagrereklamo? Bukod-tanging UP lang, ‘di ba? Bakit, pinagsasabi ba nila pinakamatalino sila na estudyante? Hindi. Hindi ako naniniwala diyan. Lason sa pagkatao ‘yan.”
Gin-athag man ni Miranda nga wala sila sang plano nga sudlon ang UP campus kag magpatigayon sang security operations. Suno sa director, mas pilion niya nga palibuton ang patrol vehicle sang pulis sa iban nga mga lugar ipaanggid sa pagsulod sa UP kun wala man lang sang rasonable nga rason kag kun wala man lang sila sang imbestigaran.
Gintudlo man ni Miranda sa Communist Party of the Philippines kag sa armed wing sini nga New People’s Army ang puno kag punta sang pagwangal sang pila ka mga estudyante kag ang paggamit sang tinaga nga ‘militarization’ kag ‘red-tagging’.
Handa man si Miranda nga makig-istorya sa UP administration apang sa panahon subong, wala pa siya sang nakit-an nga rason kun ngaa kinahanglan ang dayalogo.
“Sa mga taga-UP, huwag kayong matakot dahil na-abroggate ang ang UP-DND accord. Hindi po kami basta-basta papasok sa campus ninyo. Papasok lamang po ang pulis sa tawag ng pangangailangan,” mensahe ni Miranda.
