MANILA – Naglab-ot na sa masobra sa P1 billion ang nagasto sang gobyerno sa COVID-19 response.
Suno kay National Disaster Risk Reduction and Management Council Executive Director Ricardo Jalad nga amo man ang concurrent Office of Civil Defense administrator, ang OCD amo ang in charge sang logistics kag sustainment sang quarantine facilities lakip na diri ang Philippine International Convention Center (PICC), World Trade Center, Ninoy Aquino Stadium kag Philippine Arena.
Ginpahayag ni Jalad nga sakop sang katungdanan sang OCD amo ang pagtatap sa healthcare workers kag COVID-19 patients ilabi na sa paghatag sang maayo nga akomodasyon sa hotel.
Sa subong suno kay Jalad, makatatlo na ka beses nga nagpangayo sang augmentation sang Quick Response Fund sa Department of Budget and Management ang Office of Civil Defense kun sa diin naglab-ot na sa P1 billion ang kabug-usan nga nagasto.
Ang donasyon gikan sa private sector kag non-government organizations ang naglab-ot na sa P34 million.
Magluwas diri, ang foreign governments ang nagdonar man sang medical supplies, equipment kag personal protective equipment (PPEs).
